ज्योतिषी म्हणाला, ”तू IAS अधिकारी नाही बनू शकत,” ICU मध्ये राहून केली तयारी आणि पहिल्याच प्रयत्नात झाला IAS अधिकारी

प्रत्येकाला आपल्या आयुष्यात यशस्वी व्हायचे असते. प्रत्येक व्यक्ती कठोर परिश्रम करत असतो, परंतु प्रत्येकाला आयुष्यात यश मिळतेच असे नाही. केवळ कठोर परिश्रम करूनच तुम्ही तुमचे नशीब बदलू शकता, असे म्हटले जाते. परंतु तुमचा हेतू चांगला असेल आणि काम करण्याची जिद्द तुमच्यात असेल तर तुम्ही सर्व अडचणींवर मात करून तुमचे ध्येय निश्चितच साध्य करू शकता. आज आम्ही तुम्हाला या लेखाच्या माध्यमातून आयएएस अधिकारी नवजीवन पवार यांची कहाणी सांगणार आहोत, ज्यांनी आपल्या मेहनतीने आपले नशीब बदलले.

नवजीवन पवार हे महाराष्ट्रातील नाशिकमधील एका छोट्या गावातील रहिवासी आहेत. नवजीवन यांचे वडील शेतकरी असून ते अभ्यासादरम्यान वडिलांना मदत करण्यासाठी शेतात काम करायचे. याशिवाय नवजीवन शेतात नांगरणी करत असे. नवजीवन यांचे बालपण संघर्षमय होते.

लहानपणापासून नवजीवन अभ्यासात हुशार होते आणि बारावी नंतर त्यांनी सिव्हिल इंजिनीअरिंगची पदवी घेतली. त्यानंतर त्यांनी यूपीएससी परीक्षेची तयारी करण्याचा निर्णय घेतला. त्यांच्या वडिलांनीही त्यांना यूपीएससी परीक्षेच्या तयारीत साथ दिली आणि पुढील तयारीसाठी त्यांना दिल्लीला पाठवले.

नवजीवन पवार यांनी एका मुलाखतीदरम्यान सांगितले होते की, दिल्लीतील त्यांचे शिक्षक त्यांना एकदा ज्योतिषाकडे घेऊन गेले. तेव्हा ज्योतिषाने त्यांना सांगितले की, “वयाच्या 27 वर्षापूर्वी तू आयएएस होऊ शकणार नाहीस.” नवजीवन पवार हे ज्योतिषशास्त्राच्या या भाकितावरून खूप प्रभावित झाले आणि त्यांनी ही परीक्षा त्याआधी उत्तीर्ण होऊन दाखवणार असा निर्धार केला.

नवजीवन पवार यांना यूपीएससी परीक्षेच्या महिनाभरापूर्वी डें’ग्यू झाल्याचे निदान झाले आणि त्यांची प्रकृती खालावली. त्यामुळे त्यांना रुग्णालयात दाखल करावे लागले होते. असे असतानाही नवजीवन पवार यांनी हार मानली नाही आणि ICU मध्ये दाखल होऊनही त्यांनी अभ्यास सुरूच ठेवला. त्यांची जिद्द पाहून डॉक्टरांनाही आश्चर्य वाटले.

या आजारातून बरे झाल्यानंतर नवजीवन पवार यांनी पहिल्याच प्रयत्नात प्रिलिम्स क्लिअर केली. निकाल लागल्यानंतर त्यांनी मुलाखतीची तयारी सुरू केली. अखेरीस नवजीवन यांना यश मिळाले आणि अखिल भारतीय रँक 316 मिळवून आयएएस अधिकारी होण्याचे स्वप्न त्यांनी पूर्ण केले. नवजीवन म्हणतात की “त्यावेळी मला वाटले की जर कोणी माझे भविष्य सांगू शकतात, तर मी माझे भविष्य का बदलू शकत नाही.”

ज्योतिषाचे भाकीत खोटे ठरवून नवजीवन पवार आयएएस झाले. त्यांच्यासाठी हा प्रवास अजिबात सोपा नव्हता, पण त्यांनी अभ्यास सोडला नाही आणि पहिल्याच प्रयत्नात ते आयएएस अधिकारी बनले. नवजीवन पवार यांच्या जीवनातील संघर्षाची कहाणी त्या लोकांसाठी खूप प्रेरणादायी आहे जे इतरांच्या सांगण्यावरून प्रयत्न करणे सोडून देतात.